Hanesion o lwyddiant

12 November 2009

Ers 1984 mae Cyfeillion y Ddaear Cymru wedi cael sawl buddugoliaeth mewn diogelu amgylchedd Cymru.

Wrth weithio gyda grwpiau lleol Cyfeillion y Ddaear a chymunedau ledled Cymru mae rhai o'n llwyddiannau yn cynnwys:

Diogelu Cynefinoedd

• 1992 - y ddeiseb ddwyieithog gyntaf yn erbyn cloddio glo brig wedi ei chyflwyno i'r Senedd ac wedi ei harwyddo gan 19,000 o bobl.
  
  
• 1993 - datgelu bygythiad Gorchmynion Datblygiad Interim - 'planning timebombs' yn rhai o'n tirweddau mwyaf sensitif lle y bu caniatâd cloddio.
  
  
• 1995 - gweithio gyda Chyfeillion y Ddaear Casnewydd i rwystro morglawdd Brynbuga a fyddai wedi peri bygythiad uniongyrchol i ecoleg yr afon Wysg.
  
  
• 1996 - cyhoeddi adroddiad amgylcheddol cyntaf i effeithiau amgylcheddol lledaeniad olew y Sea Empress.
  
  
• 1997 - O'r diwedd cyflwynwyd Ardal Arbennig o Gadwraeth Ynysoedd Sir Benfro ac Aberdaugleddau i Ewrop yn dilyn cwyn Cyfeillion y Ddaear Cymru i'r Comisiwn Ewropeaidd.
  
  
• 2000 - rhwystro parc thema anferthol 'Ledgend Court' ger Casnewydd

Atal llygredd

• 1992 - datgelu sgandal y safleoedd 'anhysbys' sydd wedi eu gwenwyno yng Nghymru.
  
  
• 1994 - caniatâd cynllunio yn cael ei wrthod gan y Swyddfa Gymreig ar gyfer claddfa sbwriel anferthol yn Aberddawan fyddai wedi gwenwyno dwr codi.
  
  
• 1995 - cynnal cwyn gan Gyfeillion y Ddaear Cymru a chyfeillion Bae Ceredigion i'r UE ynglyn â methiant Llywodraeth y DG i weithredu rheoliadau yr UE ar Asesiadau Effaith Amgylcheddol mewn perthynas ag olew a nwy ar y môr.
  
  
• 1997 - gwrthod llosgydd gwastraff meddygol ar Ynys Môn.
  
  
• 1997 - gweithio gyda Chyfeillion y Ddaear Sir Benfro a grwpiau amgylcheddol lleol. Rhwystro cynlluniau gan National Power yn Sir Benfro i fewnforio a llosgi orimulsion, "tanwydd butraf y byd".

Ymgyrchu am gludiant cynaladwy

• 1998 - Trechu ffyrdd osgoi Crucywel a Bethesda.
  
  
• 2002 - Ffordd liniaru yr M4 wedi ei gohirio gan Gynulliad Cenedlaethol Cymru.

Ymgyrchu dros Gymru rhydd o GM

• 1999 - Atal dau gnwd o dreialon GM yn Sir Fynwy wedi i Gyfeillion y Ddaear Cas-gwent fynegi pryderon.
  
  
• 2000 - Cynnig a ysgrifennwyd ac a ymgyrchwyd drosto gan Gyfeillion y Ddaear Cymru ar gyfer Cymru rhydd o GM yn cael ei dderbyn gan Gynulliad Cenedlaethol Cymru - 54 - 0.
  
  
• 2002 - Dim treialon GM wedi eu cyhoeddi ar gyfer Cymru.

Hyrwyddo datblygiad cynaladwy

• 1998 - ynghyd â grwpiau amgylcheddol eraill, lobio'n llwyddiannus am ddyletswydd i hyrwyddo datblygiad cynaladwy i gael ei gynnwys yn Neddf Llywodraeth Cymru 1998 ar gyfer Cynulliad Cenedlaethol Cymru.

Cefnogwch ein gwaith >