Byddai Llosgydd Caerdydd "yn fwystfil llyncu gwastraff"

11 Meh 2007

Mae Cyfeillion y Ddaear Cymru yn gwrthwynebu cynlluniau i losgi hanner miliwn dunnell o wastraff domestig i gynhyrchu ynni yn Ne Cymru.
Mae Ystadau PMG a Rheoli Gwastraff Viridor yn bwriadu adeiladu llosgydd ym Mae Caerdydd. Gallai'r llosgydd hwn â gallu cynhyrchu o 500,000 tunnell losgi tua 3 gwaith gymaint o sbwriel yng Nghaerdydd ag sy'n cael ei ddanfon i safleoedd tirlenwi yn 2003/4 yn hytrach na llosgi'r gwastraff a adewir ar ôl ei ailgylchu yn unig[1].

Wrth i lefelau ailgylchu godi yng Nghymru mae'n debygol y byddai'r llosgydd yn llosgi gwastraff ar draws De Cymru yn y pen draw ac efallai bydd angen mewnforio gwastraff o Loegr. Dywed Cyfeillion y Ddaear Cymru y dylid trin gwastraff mor agos â phosibl i'r man cynhyrchu gwreiddiol. Er bod y datblygwyr yn honni y byddai'r llosgydd yn derbyn "sbwriel na ellir ei ailgylchu" dywed Cyfeillion y Ddaear Cymru y byddai'n rhaid i'r losgydd losgi deunyddiau plastig coed a phapur y gellid eu hailgylchu na'u compostio.

Meddai Julian Rosser, Cyfarwyddwr Cyfeillion y Ddaear Cymru:

"Nid y ffordd orau o ddelio â gwastraff yw defnyddio llosgydd: golyga losgi deunyddiau papur a phlastig a dylid ailgylchu y deunyddiau hyn. Nid yw'n ffordd adnewyddadwy o gynhyrchu ynni chwaith gan fod cymaint o'r tanwydd sy'n tarddu o ddeunyddiau plastig yn cael i gynhyrchu gan ddefnyddio olew.

"Byddai galw'r llosgydd am filoedd o dunellau o wastraff yn cadw cynghorau Cymru rhag buddsoddi'n iawn mewn ailgylchu. Byddai bwystfil llyncu gwastraff fel hyn yn ein clymu i'r arfer o losgi cryn dipyn o'n sbwriel am genhedlaeth gyfan. Mae angen inni leihau'r maint o'r gwastraff rydym yn ei gynhyrchu ac ailgylchu a chompostio pob dim sydd ar ôl."

NODIADAU

1. Rhwng Ebrill 2004 a Mawrth 2005, danfonwyd 167, 022 o dunelli o wastraff i safleoedd tirlenwi yng Nghaerdydd

Am fanylion pellach, cysylltwch â Chyfeillion y Ddaear Cymru ar 029 20229577