Beth fyddai'n well gennych chi: ynni gwynt neu ynni niwclear?

Blyth offshore windfarm

Mae ffermydd gwynt yn rhan bwysig mewn dyfodol ynni adnewyddadwy ar gyfer Cymru.

Gofynnodd Cyfeillion y Ddaear i Market Research Wales, i ddarganfod beth oedd barn pobl yng Nghymru am ffermydd gwynt.

Mae 71% o bobl yn cefnogi dyblu y 360 tyrbin gwynt sydd ar y tir ar hyn o bryd yng Nghymru.

Mae Cyfeillion y Ddaear Cymru yn cynnig dyblu ffermydd gwynt ar dir erbyn 2010 er mwyn helpu i leihau lledaeniad y nwyon sy'n newid hinsawdd a chreu swyddi i Gymru.

Dywedodd 87% y byddai'n well ganddynt weld 600 o dyrbinau gwynt ar y môr nac un orsaf niwclear.

Byddai 600 o dyrbinau, o leiaf pedair milltir oddi ar y tir, yn cynhyrchu oddeutu yr un faint o ynni ac un orsaf niwclear newydd.

Mae Llywodraeth y DG yn edrych at ynni niwclear i gwrdd â'i ymrwymiadau i leihau lledaeniad 'nwyon ty gwydr" sy'n achosi newid hinsawdd. Nid ydym ni'n cytuno- ynni adnewyddadwy yw'r dull mwyaf diogel a glan o wrthwynebu newid hinsawdd.

Pam fod y canlyniadau o bwys?

Mae ynni adnewyddadwy yng Nghymru yn cael ei ddal yn ôl oherwydd gwrthwynebiad swnllyd i adeiladu ffermydd gwynt.

Os rhwystrir gormod o gynlluniau ynni adnewyddadwy yna byddwn yn wynebu adeiladu gorsafoedd ynni niwclear newydd drud a pheryglus.

Un math o ynni adnewyddadwy y mae Cyfeillion y Ddaear Cymru yn ei gefnogi ar gyfer Cymru yw ynni gwynt. Rhaid i ni hefyd ddefnyddio llawer llai o drydan nac yr ydym yn ei ddefnyddio ar hyn o bryd. Ond ni wnaiff effeithlonrwydd ynni a thechnolegau adnewyddadwy eraill gyflawni'r holl ostyngiadau mewn nwyon ty gwydr sy'n rhaid i ni eu gwneud.

Dyna pam mae Cyfeillion y Ddaear Cymru yn ymgyrchu i Gynulliad Cenedlaethol Cymru yn gosod targedau uchel ar gyfer cynhyrchu trydan o ddulliau adnewyddadwy yng Nghymru.

Mae'r hadroddiad llawn i'w gael yma. (PDF† Fformat 151K)

Gwasgu am Newid

Ymunwch â Cymru'n Gweithredu a chynorthwywch i gefnogi ymgyrchodd Cyfeillion y Ddaear Cymru.

†I edrych ar ffeiliau PDF bydd angen i chi ddadlwytho Adobe Acrobat Reader. Gall defnyddwyr sydd â nam ar eu golwg gael cymorth ychwanegol gyda'r dogfennau hyn gan access.adobe.com.